28 Кулун тутар 28.03
  • -13°
  • $ 92,26
  • 99,71

Эргэ дьиэлэртэн дьону көһөрүү бырагырааматын бытаардыбыт улуустарга кытаанах миэрэлэр ылыллыахтара

10:08, 23 июня 2016
Читайте нас на
Яндекс Новости
ЯДВ

Улуустар баһылыктарын кытта мунньахха Егор Борисов дьону эргэ дьиэлэртэн көһөрүү бырагыраамата олоххо киириитин бытаардыбыттарга кытаанах миэрэлэри ылыахтарын туһунан эттэ. Бырагырааманы олоххо киллэрии бытаарыыта 2015-2016 сылларга бииртэн үс ыйга диэри тардыллыбыт.


Элбэх квартиралаах дьиэлэри тутуу болдьоҕо эмиэ уһаабыт. Онон олохтоох салайыныы уоргана бэдэрээт тэрилтэлэригэр ураты болҕомтоҕо ыларын Егор Борисов модьуйда.

«Үбүлээһини өрөспүүбүлүкэ бэйэтэ уйунар, оттон улуустар тэрээһин боппуруостарын быһаарыахтаахтар уонна кыраҕытык хонтуруоллуохтаахтар», — диир Ил Дархан.

Егор Борисов сорудаҕынан эргэ дьиэлэртэн дьону көһөрүү хайдах туолан иһэрин бырабыыталыстыба атырдьах ыйын 1 күнүгэр диэри ымпыктаан ырытыаҕа. Усулуобуйаны толорботох улуустарга инвестиционнай өйөбүл, ол иһигэр социальнай эбийиэктэри тутууга миэрэлэр уларыйыахтарын сөп.

Следите за самым важным и интересным в Telegram-канале и WhatsApp-группе ЯСИА