СӨ ИДьМ-тын ГИБДД пропагандаҕа отдела иһитиннэрбитинэн, от ыйын 29 күнүгэр, киэһэ 17.00 чаас саҕана, Таатта полициятын дьуһуурунай чааһыгар иһитиннэрии киирбит. «Халыма» суол 246-с километрыгар суол быһылаана тахсыбытын туһунан.

Барыллаан быһаарыынан, Чурапчы диэки айаннаан испит «Тойота Корона» 34 саастаах суоппара уруулун кыайан салайбакка, суолтан туора халыйбыт. Ол тиийэн сааллыы күүһүттэн суоппар түннүгүнэн көтөн тахсан, быһылаан сиригэр тыына быстыбыт, оттон олорсон испит икки киһи араас эчэйии ылбыт.
Тыыннаах ордубуттар кэпсээбиттэринэн, айаҥҥа туруохтарын иннинэ үһүөн буокка испиттэр.

Оттон өлбүт суоппар ый анараа өттүгэр эмиэ уруулга итирик олорон, административнай эппиэккэ тардыллыбыт эбит.

Санатар буоллахха, от ыйын 27 күнүгэр Ленскэйгэ пиибэ иһэн баран уруулга олорбут 31 саастаах киһи буруйунан 22 саастаах кыыс суорума суолламмыта. Онно бу «Лексус» суоппара олус түргэнник айаннаан иһэн түҥнэстибитэ, кэннигэр олорсон испит кыыс курунан баамматах буолан, тыла суох бараахтаабыта, оттон уолаттар курунан баананнар, тыыннаах хаалбыттара.

Биһиги корр., «Саха сирэ» хаһыат, edersaas.ru

0
0
comments powered by HyperComments