Дастабырыанньа саҥа көрүҥүн, түөскэ кэтиллэр бэлиэни оҥотторорго аукцион биллэрилиннэ. Саҥа докумуону биэрии, урукку дастабырыанньаны саҥардыы олорор сирдэринэн социальнай харалта управлениелара балаҕан ыйыттан биэрэн саҕалыахтара. Бу туһунан СИАҕа үлэ министиэристибэтин пресс-сулууспата иһитиннэрэр. 


Санатар буоллахха, от ыйын 16 күнүгэр Ил Дархан Айсен Николаев Ыйааҕынан элбэх оҕолоох дьиэ кэргэн дастабырыанньатыгар ыал аҕата киирэн биэртэ. Урут бэриллибит дастабырыанньалар оннуларынан хаалаллар. Төрөппүт баҕатынан, сайабылыанньа түһэрэн уларытыахха сөп.

Элбэх оҕолоох дьиэ кэргэҥҥэ түөскэ кэтиллэр бэлиэ уонна дастабырыанньа биирдии экземплярынан кэргэннии төрөппүттэргэ бэриллэр. Саҥа докумуоҥҥа ийэлээх, аҕа хаартыскалара иккиэн баар буолуохтара эбэтэр элбэх оҕолоох соҕотох төрөппүккэ, өскөтүн кини оҕолоро үөрэх тэрилтэтигэр сирэй үөрэнэ сылдьар буоллахтарына биитэр оҕо байыннай сулууспаны бара сылдьар буоллаҕына.

Докумуону ылыы болдьоҕо кыччаан, онтон бэриллэр кэмэ төттөрүтүн уһаан биэрдэ. Сайабылыанньаны элбэх функциялаах киин эбэтэр Госуслуги портал нөҥүө биэриэххэ сөп.

Сиһилии манна аах https://ysia.ru/novye-udostovereniya-mnogodetnym-semyam-v-yakutii-nachnut-vydavat-s-sentyabrya/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.