19 Кулун тутар 19.03
  • -10°
  • $ 91,98
  • 100,24

Элбэх оҕолоох ыал: Төлөбүрдэр эбии көмө буоллулар

Читайте нас на
Яндекс Новости
ЯДВ

Владимир Путин Россия олохтоохторугар бүтэһик ыҥырыытыгар 16 саастарын туола илик оҕолордоох дьиэ кэргэттэргэ биир кэмнээх төлөбүр туһунан иһитиннэрдэ. Бэс ыйынааҕы төлөбүр элбэх оҕолоох ыалларга эбии көмө буолбутун туһунан СИА-ҕа Гороховтар дьиэ кэргэн эттилэр.


Гороховтар үс оҕолоохтор: уоллара – 10 саастаах, кыргыттара – үстээх, иккилээх. Аҕалара инженер-тутааччы, ийэлэрэ — библиотекарь. «Эбии көмө буолла. Улахан бассейн ыллыбыт, бу итии сайыҥҥа олус туһалаах. Самоизоляция кэмигэр ханна да барбакка эбээ-эһээ тиэргэнигэр сөтүөлүөххэ сөп эбит диэн буоллулар оҕолор. Өссө бэлэсипиэт ылбыппыт», — диэтэ ийэлэрэ Марина Горохова.

Бэлиэтиир эбит буоллахха, 3-гэр диэри уонна 3-тэн 16-гар диэри саастаах оҕолорго көрүллүбүт төлөбүрү ылбыт төрөппүттэр эбии сайабылыанньа суруйбаттар. Биэнсийэ пуондатын чахчытынан төлөбүр каартаҕа түһэр.

Оттон босуобуйаны ыла иликтэр сайабылыанньаҕытын алтынньы 1 күнүгэр диэри тиксэриэхтээххит. Докумуон тигистэ да, тута анаммыт төлөбүрү барытын ылаҕыт.

Пандемия кэмигэр оҕолоох дьиэ кэргэттэри Россия президенэ Владимир Путин өйүүргэ биллэрбитэ. Кини муус устар — бэс ыйа кэрчик кэмҥэ 3-гэр диэри саастаах оҕолорго 5000 солк биэрэргэ сорудахтаабыта. Оттон 3 сааһыттан 16-гар диэри — 10000 солк.

Бэс ыйын 23 күнүнээҕи этиитигэр Путин 16-гар диэри саастаах оҕолоох дьиэ кэргэттэргэ 10000 солк көрөр туһунан бырабыыталыстыбаҕа эттэ.

Премьер Михаил Мишустин бу сыалга 270 млрд тахса солк харчы көрүллүбүтүн иһитиннэрдэ.

Следите за самым важным и интересным в Telegram-канале и WhatsApp-группе ЯСИА