Өрөспүүбүлүкэ сиригэр-уотугар инвестиция бөдөҥ бырайыактара олоххо киириэхтэрэ. Итинтэн биирдэстэрэ — Саха сирин соҕуруу өттүгэр «Таежное» баайдаах сири туһаҕа таһаарыы. Ити туһунан регион баһылыгын пресс-сулууспатыттан РИА агентствоҕа эттилэр.
2022 сылга 16 мөл. тонна кыамталаах хайаны байытар кэмбинээт үлэтин саҕалыаҕа. Манна инвестиция сыаната 1,7 млрд. долларга тэҥнэһэр.
Саха сирин экономиката биллэ сайдарыгар «Развитие Арктики» бырагыраамаҕа кыттыы сүрүн төһүү буолуохтаах. Итиннэ тирэҕирэн өрөспүүбүлүкэ тирэх түөлбэ быһыытынан боруобалааһын сиригэр-уотугар кубулуйар. Ити түмүгэр өрөспүүбүлүкэ уруттаан сайдыы ураты түөлбэтэ буолуохтаах.
Арктика оройуоннарыгар хостуур производство саҕаланыахтаах: Анаабырга углеводороднай сырьену, Усуйаанаҕа хорҕолдьуну хостооһун, Тиксиигэ пуорду сайыннарыы, Жатайдааҕы суднону тутар собуоту саҥардыы, о.д.а. киирэллэр.
Хоту дойду үгэс буолбут дьарыга, тыа хаһаайыстыбата, туризм, энергиэтикэ, тырааныспар, аэропорт комплекстара сайдыахтаахтар. Барылаан ааҕыынан, бу бырайыактарга 40-50 млрд.солк. наада.
Өссө хас да инвестиция бырайыага оҥоһуллар. Онно Саха сирин соҕуруу өттүгэр ГЭС, 3177 км. уһуннаах «Дьокуускай – Хабаровскай – Владивосток» магистральнай газ турбатын тардыы киирэ сылдьаллар.
