Лаборатория экологическай иитии-үөрэхтээһин эйгэтигэр научнай чинчийиилэри ыытарын таһынан, үөрэх, үөрэтэр-методическай, научнай-методическай уонна нэһилиэнньэҕэ сырдатар үлэни балачча күргүөмнээхтик тэрийэр.
Ол курдук, лаборатория 2015 сыл ахсынньы 16 күнүгэр «Региональный опыт экологического образования и просвещения» диэн тиэмэҕэ Бүтүн Россиятааҕы иккис научнай-практическай конференцияны сүрдээх ситиһиилээхтик иилээн-саҕалаан ыытта.
Быйылгы конференция үлэтигэр Саха сирин бары улуустара, ону таһынан Хотугу Кавказтан, Санкт-Петербуртан учуонайдар кыттыыны ыллылар. Конференцияҕа уопсайа 60 тахса научнай үлэһит, студеннар, аспираннар уонна үөрэх тэрилтэлэрин үлэһиттэрэ кытыннылар.
Конференцияҕа саҥа үөрэх стандартыгар (ФГОС) олоҕуран, экологическай үөрэхтээһиҥҥэ учебнай-тематическай былааннары уонна программалары саҥардыы, көннөрүү; оскуолалар истэринэн тэриллибит сайыҥҥы экологическай лааҕырдар үлэлэрин сайыннарыы; экологическэй үөрэхтээһиҥҥэ бастыҥ педагогическэй опыты тарҕатыы уонна ону научнай таһымҥа таһаарыы; нэһилиэнньэҕэ экологическай билиини тарҕатыы уонна кини экологическай культуратын үрдэтии кыһалҕаларын тула аспираннар, магистраннар, студеннар, учууталлар уонна научнай үлэһиттэр бэйэлэрин опыттарын атастастылар уонна чинчийиилэрин кытта билиһиннэрдилэр.
Конференция матырыйаалларыгар олоҕуран, университет издательскай дьиэтигэр хомуурунньук бэчээттэнэн таҕыста.
Дьэ ити курдук, лаборатория экологическай үөрэхтээһин, сырдатыы үлэтигэр саҥа идеялары уонна технологиялары туһааннаах үлэһиттэргэ конференция нөҥүө билсиһиннэрдэ.

Родион Софронов, учебнай-научнай лаборатория үлэһитэ,
педагогическай наука кандидата, доцент

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.