Дьокуускай куоракка В.Маяковскай аатынан бибилэтиэкэ «Оскуола эйгэтэ» диэн оҕолорго аналлаах сектора ааҕааччыларыгар кэмиттэн-кэмигэр ураты сэргэх тэрээһини оҥорор үтүө үгэстээх. Бу күннэргэ Саҥа дьылы көрсө «Экохарыйа» куонкуруһун түмүктээтэ. Куонкуруска оҕо саадын иитиллээччилэрэ, оскуола үөрэнээччилэрэ көхтөөхтүк кытыннылар. Бу туһунан бибилэтиэкэ үлэһитэ Ольга Эртюкова иһитиннэрдэ.
—Куонкуруска барыта 16 оҕо кытынна. Харыйаларын бэс, харыйа туораахтарыттан, оҕуруоттан, тесьматтан, балык хатырыгыттан, леготтан, кумааҕыттан, о.д.а. араас матырыйаалтан киһи эрэ сөҕө, хайгыы көрөрүн курдук кыһаллан оҥорон аҕалбыттар. Дьүүллүүр сүбэҕэ үлэлээбит бибилэтиэкэ үлэһиттэрэ маннык тэрээһин оҕолору, төрөппүттэри, учууталлары, улахан дьону сомоҕолоуурун бэлиэтээтилэр. Түмүккэ «Экохарыйа» номинацияҕа муҥутуур кыайыылаах аатын Вилена Яковлева (Саха политех.лицей, 4 кыл.) ылла. 1 миэстэҕэ Катя Захарова (20-с оскуола, 3 кыл.) оҥорбут харыйатынан таҕыста. «Остуоруйа дойдута» оҕо саадын иитиллээччитэ Эрчим Петухов үлэтэ иккис бочуоттаах миэстэни ылла. Үһүс бириистээх миэстэ Вова Ивановка (СПЛ, 1 кыл.) тигистэ.
«Декор» номинацияҕа 1 м. – Иевлев Айсен (СПЛ, 4 кыл.), 2 м. – Дамир Иванов (СПЛ, 4 кыл.), 3 м. — Катя Алексеева (СПЛ, 4 кыл.) ыллылар.
«Дьиктилээх харыйаҕа» 1 м. – Диана Бурцева (20-с №-дээх оскуола, 1 кыл.), 2 м. — Алеша Иванов (СПЛ, 1 кыл), 3 м. — Диана Заровняева (СПЛ, 4 кыл) буоллулар.
«Аптаах кумааҕы» номинацияҕа 1 миэстэни Ваня Григорьев (Өрөспүүбүлүкэтээҕи анал оскуола-интернат, 4 кыл.), 2 м. — Никита Кривогорницын (20-с оскуола, 3 кыл.), 3 м. — Алина Дорош (Табаҕа орто оскуолата, 1 кыл.) үллэһиннилэр. Харыйаны уратытык толкуйдаан оҥорбут Никита Винокуров (25-с №-дээх оскуола, 6-с кыл.,легонан оҥорбут) анал бириис хаһаайынынан буолла. Кыттыбыт оҕолорго бука барыларыгар сертификаттар уонна смэмэй бэлэхтэр туттарылыннылар, — диэтэ Ольга Николаевна.
Бибилэтиэкэ кэллэктиибэ тэрээһиннэрин, куонкурустарын сэргиир оҕолорго, кинилэр учууталларыгар, оҕо саадын үлэһиттэригэр махтанар. Түгэнинэн туһанан, сибээһи ыкса тутар саха-политехническай лицей 4 «б» кылааһын салайааччытыгар Владимир Тимофеевка, оҕо саадын куруук кытыннарар Любовь Федороваҕа, тэрээһини өйөөбүт «Апрель» маҕаһыыҥҥа махтаннылар, үлэлэригэр ситиһиини баҕардылар.
