Электроэниэргийэ иһин төлөбүр үрдүгүн, былааны таһынан бэрэбиэрэкэ аһара элбээбитин, о.д.а. туһунан предпринимателлэр буолан ааспыт форумнарыгар аһаҕастык эттилэр.
Предприниматель Егор Макаров өрөспүүбүлүкэҕэ бизнеһи тэрийэр уонна быраабы көмүскэнэр уустугун бэлиэтиир.
«Бэйэ-бэйэбитин кытта хардарыта дьайсан баар кыһалҕалары туоратыахпытын сөп», — диэн кини СИА-ҕа эттэ.
Форумҥа бастакы вице-премьер – экономика миниистирэ Алексей Стручков сырытта.
«Эниэргийэ иһин төлөбүр үрдүгэ биһиги сирбитигэр-уоппутугар баар субъектар барыларын кыһалҕалара. Бөдөҥ компниялар барыстарын 10% маныаха ороскуоттанар эбит буоллаҕына, дьоҕус уонна орто бизнескэ үгүөрү үп баранар», — диир кини.
Миниистир Екатерина Кормилицына барыта олохтоох былаастан тутулктаах буолбатаҕын ыйда.
«Элбэх кыһалҕа федеральнай таһымҥа быһаарыллыахтаах. Онон биһиги дьокутааппыт, элбэх сыл предпринимательствоны сүрүннээбит Галина Данчикова итиниэхэ көмөлөһүөҕэ диэн эрэнэбин», — диир кини.
Атыы-промышленнай балаата президенэ Владимир Членов элбэх салаа судаарыстыба өйөбүлүгэр наадыйарын ыйда. Холобур, ювелирнай, кырыылыыр оҥорон таһаарыы.
This post was published on 23.09.2016 11:52 11:52