Бүгүн үп эйгэтин уонна чааһынай инвестордар өттүлэриттэн ОДьКХ эйгэтигэр интэриэс улааппыта көстөр. Бу туһунан Саха Өрөспүүбүлүкэтин Ил Дархана Егор Борисов СӨ Судаарыстыбаннай Мунньаҕар (Ил Түмэҥҥэ) бэйэтин Анал этиитигэр иһитиннэрдэ.


Ил Дархан этэринэн, концессионнай сөбүлэһиилэри олохтооһун көмөлөһөр, ити түмүгэр саҥа усулуобуйалар олохтонон, инфраструктураҕа туһуламмыт бырайыактар экономическай өттүнэн көдьүүстээх буолаллар.

Тыа сиригэр барытыгар даҕаны олорор дьиэлэри ититэр ситимҥэ холбооһун, кэтэх дьиэни толору хааччыллыылаах оҥоруу салҕаныаҕа диэн Саха сирин баһылыга иһитиннэрдэ. ОДьКХ өҥөлөрүнэн туһаныыны тупсарыыга үлэ икки хайысханан барыахтаах. Бастакыта, былаас федеральнай уорганнарын кытта, итиннэ естественнэй монополиялар ороскуоттарын аччатыыга хардарыта бииргэ үлэлээһин киирэр. Иккиһинэн, дьиэ-уот хаһаайыстыбатыгар уонна олорор дьиэ фондатыгар электроэнергияны кэмчилээһин.

Маны сэргэ Саха сирин баһылыга ОДьКХ тиһигэр мунньуллубут иэскэ кыһалҕаларын быһаарыыга кыаҕы булуохха наадатын ыйда.

Егор Борисов дойду бэрэсидьиэнин өйөбүлүнэн оҥоһуллубут хас да өттүттэн субсидиялааһыны суох оҥоруу түмүгэр юридическэй сирэйдэргэ уот тарыыптара биллэрдик кыччаан, бизнес “өрө тыынна”.

2018 сылга биһиги сорукпут – Уһук Илиҥҥэ уот тарыыбын 3-тэн 10 сылга диэри Арассыыйа орто таһымыгар тэҥниир ньыма болдьоҕун уһатыыга былаас федеральнай уорганнарын кытта үлэни салгыы ыытыы. Дизельнай генерацияны көрүүгэ-истиигэ ороскуоту аччатар туһугар сөргүтүллэр энергетиканы сиргэ-дойдуга барытыгар туһаныыны ситиһиэхтээхпит, – диэн чопчулаата Ил Дархан.

0
0
comments powered by HyperComments