Егор Борисов: Уһук Илиҥҥэ гектар сири биэрэргэ аккаас сүрүн төрүөтэ Росреестр каартата сөбө суоҕар сытар

0
51

Уһук Илиҥҥэ гектар сири ыларга Росреестр каартата сөбө суоҕуттан аккаас ахсаана элбээбит. Ити туһунан «Саха» НКИК пресс-конференциятыгар Саха сирин баһылыга Егор Борисов эттэ.


Бүгүҥҥү ааҕыынан сири босхо ыларга 8,3 тыһыынчаттан тахса сайабылыанньа киирбит. Онтон 3 тыһыынча киһиэхэ аккаастаабыттар.

«Үгүстэр сайабылыанньаларын төттөрү ылбыттар. Каарта сөбө суоҕуттан уонна нэһилиэнньэлээх пууннар уонна сир учаастактарын кыраныыссалара сыҕарыйбыттарыттан аккаас төрүөттэнэр», — диэтэ Егор Борисов.

Киһи чопчу сири ыларга сайаапка биэрэр, онтон сирийэн ырытыы кэнниттэн биллибитэ бу сир бас билээччилээх буолан тахсар.

Сирдээх дьон кэмигэр докумуоннарын ситэри, толору оҥотторботохторуттан тахсар.

Босхо бэриллэр сиргэ ханнык үлэ ыытылларыттан көрөн судаарыстыба көмөлөһөрүн туһунан Ил Дархан эттэ.

«Холобур, киһи тыа хаһаайыстыбатынан дьарыктанарга сорунар буоллаҕына, киниэхэ үлэлэрин саҥа саҕалыыр фермердэргэ баар чэпчэтиилэр дьайаллар», — диэтэ Егор Борисов.

0
0

Хоруй суох

Хоруйдаа