28 Кулун тутар 28.03
  • -11°
  • $ 92,59
  • 100,27

Егор Борисов: Саха сирин дьоно-сэргэтэ, олунньу 1 күнүгэр диэри босхо сир иһин ылсыҥ!

15:19, 28 октября 2016
Читайте нас на
Яндекс Новости
ЯДВ

Уһук Илиҥҥэ гектар сири босхо биэрии туһунан сырдатар үлэни былаас уорганнара күүһүрдүөхтэрэ.


«Босхо сири ылыыга сайаапканы биэриигэ Саха сирэ инники кирбиигэ иһэр. Нэһилиэнньэ маныаха көхтөөхтык кыттар. Ол эрээри сири ылыы бытаан. Сокуон барылын олоххо киллэрии бастакы уонна иккис түһүмэхтэригэр сокуону тупсарыы боппуруостара үөскүүллэр», — диэн Саха сирин баһылыга Егор Борисов Горнай улууһун олохтоохторун кытта көрсүһүүгэ эттэ.

«Биһиги өрөспүүбүлүкэбит дьоно-сэргэтэ сокуоҥҥа тирэҕирэн олунньу 1 күнүгэр диэри бэйэлэригэр сир-уот ылыахтаахтар. Ити туһунан биһиги киэҥник кэпсиэхтээхпит, сырдатыахтаахпыт. Дьон баһыйар үксэ бу сирдэри тыа хаһаайыстыбатын сайыннарыыга туһулуо. Онтон да атын көрүҥү биһиги өйүөхпүт», —диир Ил Дархан.

Бүгүҥҥү туругунан Хаҥалас улууһун олохтоохторо бу хамсааһыҥҥа көхтөөхтүк кытталлар. Босхо сири ылыыга кинилэртэн уопсайа 2 393 сайабылыанньа киирбит. Ол кэнниттэн Мэҥэ Хаҥалас (338) уонна Бүлүү (236) улуустара иһэллэр. Сабаҕалааһын курдук, хоту, Арктика улуустарын олохтоохторун көҕө намыһах.

Уһук Илиҥҥэ гектар сири биэрии сокуона бэйэ сирин-уотун кэмигэр докумуоннуурга төһүү буолла.

Егор Борисов өрөспүүбүлүкэ баайга-дуолга, сир сыһыаннаһыыларыгар министиэристибэ нэһилиэнньэҕэ быһаарар үлэни күүһүрдэригэр сорудахтаата. Сэтинньи 15 күнүгэр диэри сири хайдах ылары сиһилии быһаарар судургу тылынан суруллубут методическэй матырыйааллары оҥоруохтара. Брошюралары улуустарга барыларыгар тарҕатыахтара.

Саха сирин былааһын уоргана тыа хаһаайыстыбатынан дьарыктанааччыларга 2-тэн 20-ҕэ диэри эбии сири биэрэр туһунан быһаарыыны ылыммытын санатар оруннаах.

Алтынньы 25 күнүнээҕи туругунан Саха сиритэн сири босхо ылыыга 4 084 сайабылыанньа киирдэ.

Следите за самым важным и интересным в Telegram-канале и WhatsApp-группе ЯСИА