Саха сирин баһылга Егор Борисов «Саха сирин 2030 сылга диэри сайыннарыы стратегията» диэн ис хоһоонноох мультимедийнай пресс-конференцията бүгүн, алтынньы 5 күнүгэр норуоттар икки ардыларынааҕы «Россия сегодня» агенствотыгар буолар. Өрөспүүбүлүкэ суруналыыстара онлайн-режиминэн — «Сахамедиа» медиа-кииниттэн Ил Дархаҥҥа ыйытык биэрэр кыахтаахтар. Быһа таһаарыыны СИА порталыгар 19.00. чааска көрүҥ.
Өрөспүүбүлүкэҕэ туохха анаан бөдөҥ IT-паарка оҥоһулларый, хоту, тыйыс сиргэ ким гектар сири босхо ылыай, дьиэ-уот боппуруоһа хайдах быһаарылларый, өрөспүүбүлүкэ бөдөҥ бизнеһи уонна улахан инвестицияны тугунан тардарый, сэлии бүтүн аан дойдутааҕы киинин тэрийии, о.д.а. тустарынан Ил Дархан суруналыыстары кытта кэпсэтиитигэр сырдатыаҕа.
Саха сирин баһылыгын уонна бырабыыталыстыбатын дьаһалтатын көрдөрөр-иһитиннэрэр тиһиктэри кытта управлениетыгар эппиттэринэн, RT пресс-конференцияны саҥа форматынан — 360° устар. Бу көмөтүнэн дьиэттэн, офистан тахсыбакка эрэ буола турар быһыыны-майгыны ымпыгар-чымпыгар тиийэ көрүөххэ сөп. Компьютер клавиатуратын көмөтүнэн устар камера хайысхатын уларытыахха сөп.
RT бу форматы балаҕан ыйыгар Владивосток куоракка буолан ааспыт Илиҥҥи экономика II-c форумун кэмигэр боруобалаабыта.
