Риоҕа буолар быйылгы Олимпиадаҕа көҥүл тустууга Россияттан кимнээх кытталлара бу нэдиэлэҕэ чопчу быһаарыллар. Саха сирин баһылыга Егор Борисов Виктор Лебедев хамаанда састаабыгар киирэригэр бүк эрэллээх.
«Мин Россия сүүмэрдэммит хамаандатын кылаабынай тренера Дзамболат Тедеевы уонна РФ тустууга федерациятын президенэ Михаил Мамиашвилины кытта быһа сибээскэ сотору-сотору тахсабын. Россия сүүмэрдэммит хамаандатын састаабыгар киириигэ улахан күрэстэһии. Бэрт сотору чуолкай быһаарыны билиэхпит», — диэтэ Борисов.
