29 Кулун тутар 29.03
  • -11°
  • $ 92,26
  • 99,71

Егор Борисов: Нолуокка чэпчэтии - Саха сиригэр үлэлии кэлэр тэрилтэлэргэ өйөбүл

14:10, 22 декабря 2016
Читайте нас на
Яндекс Новости
ЯДВ

Нолуокка чэпчэтии – инвестордары уонна бөдөҥ компаниялары тардар инструмент көдьүүстээхтик үлэлиэхтээх. Саха сирэ маны сөптөөхтүк туһана үөрүйэх, инникитин да ити тилэри туттуллуохтаах. Бу туһунан ахсынньы 21 күнүгэр «Саха» НКИК быһа эфиригэр буолбут пресс-конференцияҕа Саха сирин баһылыга Егор Борисов эттэ.


«Бу дьэҥкэ ис хоһоонноох. Ону сорох политиктарбыт уустуктук ылыналлар. Бэйэтин ытыктанар, инвестицияны тардарга интэриэстээх субъект ити туһунан булгуччу толкуйдуохтаах. Нолуокка чэпчэтии, бюджеттан өйөөһүн, о.д.а. табыгастаах усулуобуйаны үөскэтии механизмнара баар буолуохтаахтар», — диэтэ Ил Дархан.

Егор Борисов инникилээн сайдыы сиригэр-уотугар кыттар резиденнэр араас нолуоктартан босхолоноллор.

«Нолуокка чэпчэтии чуолаан ньиэп промышленноһыгар үлэлиир тэрилтэлэргэ сыһыаннаах. Ньиэпкэ, гааска үлэлиир дьон үптээхтэр-харчылаахтар, онон кинилэргэ тоҕо чэпчэтии баар буолуохтааҕый диэн үгүстэр этэллэр. Холобур, «Сургутнефтегаз» биһиэхэ аан бастаан кэлбитигэр үлэтин кураанахха саҕалаабыта. Ол иһин биһиги бастакы сылларга барыс нолуогар чэпчэтиилэри оҥорбуппут. Бүгүн тэрилтэ итинэн туһаммат, ол оннугар 12 млрд.солк. өрөспүүбүлүкэ бюджетыгар киллэрэр», — диэтэ баһылык.

Маннык быһыы-майгы саҥа үлэлии кэлэр тэрилтэлэргэ оҥоһуллар. Холобур, «Роснефть» салалтатынан үлэлиир «Таас-Юрях Нефтегазодобыча».

«Биһиги маныаха эбии усулуобуйаны үөскэппиппит – барыс нолуогар чэпчэтии оҥоробут, ол оннугар бюджекка киирэр нолуок былыырыыҥҥыттан итэҕэһэ суох буолуохтаах диэн. Баайга-дуолга нолуокка эмиэ маннык усулуобуйаны үөскэтиэхпитин сөп. Маннык уопут баар, ити инвестордары өйүүрүн бэлиэтээн этиэх этим. Бүгүн «Таас-Юрях Нефтегазодобыча» тэрилтэни өйүүбүт. Ити тилэри толкуйдаммыт хардыы. Биһиги сүрүн сыалбыт-сорукпут инникитин бөдөҥ нолуогу төлөөччүнү ыларга туһаайыллар. Ону таһынан эбии усулуобуйа олохтуубут. Онно олоҕуран тэрилтэ оҥорон таһаарыыга 10 млрд солк. итэҕэһэ суох үбү-харчыны инвестициялыахтаах. Кинилэр усулуобуйаны барытын толороллор, үп-харчы угаллар уонна дьиҥнээх оҥорон таһаарыыны үөскэтэллэр. Ити өрөспүүбүлүкэ тутуһар сүрүн соруга», —диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА