29 Кулун тутар 29.03
  • -14°
  • $ 92,26
  • 99,71

Егор Борисов Максим Аммосов пааматынньыгар тыыннаах сибэкки дьөрбөтүн уурда

18:46, 27 апреля 2016
Читайте нас на
Яндекс Новости
ЯДВ

Саха сирин баһылыга Егор Борисов, салайааччылар бүгүн Максим Аммосов пааматынньыгар тыыннаах сибэкки дьөрбөтүн уурдулар.


«Бу күн биһиги норуоппут чулуу уолаттарын Максим Аммосовы, Платон Ойуунускайы, Исидор Бараховы уо.д.а ахтан санаан ааһабыт. Кинилэр уларытыы, сайыннарыы суолун тутуһан дойдуларыгар автономияны ситиспиттэрэ», — диэтэ Егор Борисов.

Бүгүн кинилэр тутуспут, ыйбыт суолларынан өрөспүүбүлүкэ аан дойдуну кытта бииргэ сайдар кыахтаах буолбутун кини ойуччу тутан бэлиэтээтэ. 90-с сылларга бэйэни салайынар буолууга туһаайан ылыллыбыт дьаһалларга тирэҕирэн экономика туруктаахтык сайдар. Ону 2015 сыл түмүгэ туоһулуур.

«Хапытаалынай тутуу, промышленность, үөрэҕирии, доруобуйа харыстабылын эйгэлэригэр улахан ситиһиилэннибит», —диэтэ Ил Дархан.

Регион ситиһиллибитинэн муҥурдаммакка, инникигэ балысхан былааннары, соруктары туруорар. Онуоха билиҥҥи ыччат уонна былаас ылар оруоллара кырата суох.

«Биһиги бары бииргэ сомоҕолоһуубут, үлэбит инникитин дьоһун олоххо акылааты айыа, тулхадыйбат тулааһыны тутуо», — диэтэ Егор Борисов.

Следите за самым важным и интересным в Telegram-канале и WhatsApp-группе ЯСИА