Өлүөнэ өрүһү туоруур муоста өрөспүүбүлүкэҕэ ураты улахан суолталаах. Муоста тутулуннаҕына, Дьокуускай куораты эригийэ тырааныспар-логистика копмлекса үөскэтиллиэхтээх. Ону таһынан бу хоту сиргэ таһаҕаһы тиэйии курдук сытыы кыһалҕа сороҕо быһаарыллар. Бырайыагы олоххо киллэриигэ болҕомтолорун уурбут Кытай компанияларын кытта үлэ көдьүүстээхтик барар.
«Маныаха Кытай икки госпорпорацията: PowerChina салалтатынан үлэлиир SinohydroCorporation, уонна Кытайдааҕы тимир суолу тутар корпорация — Муостаны тутар инжеренэй бюрота уонна Кытай сударыстыбаннай инженернэй корпорацията үлэлэһэр соруктаахтар. Быйыл инвесторы булуу боппуруоһун уонна үбүлээһин хайдах оҥоһуллуон быһаарыахпыт. 2017 сылга бырайыагы оҥоруохпут, оттон 2018 сылга тутуу үлэтэ саҕаланыа, 2022 сылга муоста тутуллан бүтэн үлэлиэҕэ», — диэн Саха сирин баһылыга Егор Борисов ТАСС иһитиннэрэр агенствоҕа эттэ.
Билигин Кытай компаниялара өрөспүүбүлүкэҕэ кэлэ сылдьан уонна дойдуларыттан олорон хомуйбут информациялары ырыталлар.
«Бырайыак чопчу сыанатын туһунан билигин этэр эрдэ. Ити Кытай уонна Россия хардарыта дьайсыы түмүгэр ылбыт техническэй быһаарыыларыттан быһаччы тутулуктаах. Балаҕан ыйыгар иккис экономическэй форум кэмигэр кэпсэтиһии салҕаныа», — диир Борисов.
Муота тутулуннаҕына, Дьокуускай куораты эргиччи тырааныспар-комплекса хааччыллыаҕа. Өлүөнэ өрүс хаҥас биэрэгэр үс федеральнай, хас да өрөспүүбүлүкэтээҕи бөдөҥ суоллар, тимир суол бааллар. Оттон уҥа өттүгэр норуоттар икки ардыларынааҕы аэропорт уонна өрүс пуорда.
«Өлүөнэ уҥа кытылыгар таһаҕаһы тиэрдии муостата суох хас эмэ бүк уустук. Муоста тутулуннаҕына, баайдаах сирдэри туһаҕа таһаарыы саҕаланыа уонна хоту уулуустарга таһаҕаһы тиэрдии кыһалҕата сороҕо быһарыллыа» (Егор Борисов)
«Таһаҕаһы тиэрдии кыһалҕатын бүтүннүүтүн муоста быһаарбат, ол эрээри үлэ биллэ чэпчиэхтээх. Билигин сирбит-уоппут 60%-гар сылы эргиччи тиийэр кыахпыт суох. Өлүөнэ өрүһү туоруур муоста тутулуннаҕына, ити тиийэргэ харгыстаах сир-уот 20% быыстала суох сырыынан хааччыллар», — диир Егор Борисов.
