29 Кулун тутар 29.03
  • -12°
  • $ 92,26
  • 99,71

Егор Борисов: Хотугу өрүстэргэ балык аҕыйааһынын биричиинэтин наукаҕа олоҕуран быһаарар сөп

12:04, 26 апреля 2017
Текст:
Читайте нас на
Яндекс Новости
ЯДВ

Бүгүн, муус устар 25 күнүгэр, Ил Түмэн уочараттаах XXVIII-с пленарнай мунньаҕар Саха Өрөспүүбүлүкэтин Ил Дархана Егор Борисов 2016 сылга судаарыстыбаннай былаас толорор уорганнарын үлэтин түмүгүн туһунан отчуот оҥордо итиэннэ дакылаатын сүнньүнэн Ил Түмэн дьокутааттарын ыйытыыларыгар хоруйдаата.


Норуот дьокутаата Елена Голомарева хотугу улуустар олохтоохторо балык аҕыйаабытыттан дьиксинэллэрин этэн туран, чуолаан, Булуҥҥа, Эдьигээҥҥэ чугастааҕы кэминэн сир баайын хостооһун ыытыллыа уонна Лена, Индигир өрүстэргэ дириҥэтэр үлэ барыа дуо диэн ыйытыылары биэрдэ. Киниэхэ хоруйдууругар, Егор Афанасьевич, бастатан туран, бу саас Дьокуускай куоракка буолбут Хотугу сир аҕыйах ахсааннаах төрүт норуоттарын сийиэстэригэр кыайан сылдьыбатаҕын иһин, Елена Христофоровнанан сирэйдээн, тэрээһин кыттыылаахтарыттан өссө биирдэ бырастыы гыналларыгар көрдөстө.

Ил Дархан хотугу өрүстэргэ балык аҕыйааһынын биричиинэтин наукаҕа олоҕуран быһаарар сөбүн эттэ. Балыктааһын боппуруоһунан Арассыыйа Балык хаһаайыстыбатыгар агентствотын салалтатын кытта кэпсэтэ сылдьыбытын, бу хайысханан тустаах үлэ барарын, ол эрээри, манна олохтоох исписэлиистэри эмиэ кытыннарар наадатын ыйда. Онон билиҥҥитэ кураанах тылынан балык сүтэн эрэр диэн түмүк оҥорор эрдэтин, чинчийиилэр түмүктэрин күүтэр сөбүн эттэ.

Оттон дириҥэтэр үлэ туһунан этэригэр, Егор Афанасьевич бу биһиги уйан миэстэбит диэтэ, манан сэдиптээн Индигир, Дьааҥы өрүстэргэ сыллата кыһалҕалар үөскүүллэрин кэпсээтэ. Дириҥэтэр тиэхиньикэнэн хааччыйыы федеральнай киин боломуочуйатыгар баарын ахтан туран, эбии аҕалтарарга кэпсэтии барарын эттэ.

edersaas.ru

Следите за самым важным и интересным в Telegram-канале и WhatsApp-группе ЯСИА
Тутаах тыллар