РФ куттал суох буолуутун сэбиэтин сэкэритээрэ Николай Патрушев Соҕуруу Сахалиҥҥа салайан ыыппыт мунньаҕар Саха сирин баһылыга Егор Борисов «Сила Сибири» газ магистральнай турба таһыгар баар нэһилиэнньэлээх пууннарга «Газпром» газ киллэрэрин туһунан түһэрсибит дуогабарын толороругар эрэнэрин эттэ.
Егор Борисов регион былааһын уорганын көҕүлээһинэ ситэритэ суох өттүгэр болҕомтону тарта. Ол курдук, кини «Газпром» тэрилитэ магистральнай турба ааһар нэһилиэнньэлээх пууннарга газ ситимин киллэрэр туһунан дуогабарын толорботоҕун ыйда.
Ил Дархан «Газпром» Россия былааһыттан маныаха анаммыт чопчу сорудаҕы ылыахтааҕын ыйар.
Ньиэби переработкалыыр собуоту өрөспүүбүлүкэ сиригэр-уотугар тутары тардыбат наадатын эттэ. Собуоту тутуу бэйэ наадыйыытын хааччыйыахтаах, ону таһынан тырааныспарга ороскуоту кыччатыахтаах.
