Егор Борисов: Бөдөҥ компаниялартан өрөспүүбүлүкэ бюджетыгар нолуок киириитэ кыраҕытык хонтуруолланар

Өрөспүүбүлүкэ сиригэр-уотугар үлэлиир бөдөҥ тэрилтэлэр нолуоктарыттан бюджекка киирэр дохуотун былаас уоргана хонтуруоллуур. Ол туһунан тэрилтэлэр менеджменнарын мунньаҕар Егор Борисов эттэ.


«Саха сиригэр үлэлиир бары компаниялар бас билээччилэрин уонна салайааччыларын кытта ыкса сибээс олохтонно. Хамнаһы тардыбакка төлөөһүн сүрүн ирдэбил. Маны  прокуратура хонтуруоллуур», — диэтэ кини.

Борисов нолуок дьиссипилиинэтигэр болҕомтону тарта: «Кэлиҥҥи биэс сылга өрөспүүбүлүкэҕэ да, дойду нолуогун систиэмэтигэр да нолуок киириитэ кыччыы турар. Кэккэ төрүөттэринэн ити «Якутуголь», «Анаабыр алмаастара» курдук бөдөҥ тэрилтэлэргэ сыһыаннаах. Бу түбэлтэлэр кытаанахтык хонтуруолланыахтаахтар».

Ил Дархан компаниялар сырье ырыынагар болҕомтону ууралларыгар ыҥырда.

This post was published on 19.07.2016 16:50 16:50