Оройуоҥҥа быйыл сайын үлэлиэн баҕалаах саастарын ситэ илик оҕолор ахсааннара элбээтэ. Сыллата ыытыллар үлэ дьаарбаҥкатыгар 46 оҕо сырытта, диэн Улус.медиа иһитиннэрэр.
“Былырыын 67 сайаапка киирбит буоллаҕына, быйыл 58 оҕо сайаапка биэрдэ”, — диэтэ Нэһилиэнньэ дьарыктаах буолуутун киинин бастакы категориялаах исписэлииһэ Ирина Казаева.
Быйыл бу киин оройуоҥҥа кыттыгас үбүлээһин дуогабарынан 40 оҕону үлэнэн хааччыйар кыахтаах. Ол эбэтэр, оҕолорго хамнастарын сорох чааһын бу киин толуйуоҕа.
СИА.
