Үөһээ Дьааҥы Сайдыы сэлиэнньэтин Строительнай уулуссатыгар турар кэтэх дьиэ тиэргэнигэр саанан ытыыттан өлбүт икки киһини ыаллыы олорор нэһилиэк баһылыга булла. Ити туһунан силиэстийэ кэмитиэтин пресс-сулууспатыттан иһитиннэрдилэр.
Саа тыаһыгар баһылык тахсан, быһылааны көрбүт, быраабы араҥаччылыыр уорганнарга биллэрбит.
Ыарахан буруйга уорбаланааччылар быһылаан буолбут сириттэн куоппуттар.
Сэлиэнньэ ыраах буолан, полиция үлэһиттэрэ хас да чаас буолан баран тиийбиттэр.
Уорбаланааччыттан биирдэстэрин 18 саастаах, Баатаҕайтан төрүттээх эдэр киһини Дьааҥы өрүс таһыгар буллулар. Кини ыарахан туруктаах: төбөҕө саанан ытыллыбыт.
Иккис буруйдааҕы көрдүүллэр. Кини 17 саастаах оскуола үөрэнээччитэ буолара биллэр.
