28 Кулун тутар 28.03
  • -12°
  • $ 92,59
  • 100,27

Үөһээ Бүлүү улууһун ойуурун улахан баһаара Моҕотой Өтөҕүттэн саҕаламмыта

11:01, 15 июня 2021
Текст:
Читайте нас на
Яндекс Новости
ЯДВ

Ил Дархан Айсен Николаев Ньурба уонна Үөһээ Бүлүү улуустарыгар ойуур баһаардарын бөртөлүөтүнэн көтө сылдьан, миэстэтигэр көрдө-иһиттэ. Икки улууска сылдьыытын түмүгэр улуустар баһылыктара уонна тустаах министиэристибэлэр салайааччылара кыттыылаах өрөспүүбүлүкэ таһымнаах ыксаллаах быһыы-майгы мунньаҕа биһиги улууспутугар ыытылынна.


Ил Дархан Айсен Николаев иһитиннэрбитинэн, билигин өрөспүүбүлүкэ үрдүнэн балаһыанньа уустук. Баһаар сезона саҕаланыаҕыттан 62 тыһыынча гектар күөх суугун уокка былдьанна. Ааспыт сылы кытта тэҥнээтэххэ, балаһыанньа хонтуруолга турар, былырыын бу кэмҥэ 100 тыһыынча иэннээх ойуур уокка былдьаммыта биллэр.

Бүтэһик күннэргэ Бүлүү, Үөһээ Бүлүү уонна Сунтаар улуустарыгар улахан баһаардар тура сылдьыбыттара, Ньурбаҕа уонна Үөһээ Бүлүүгэ балаһыанньа уустук эрээри, хонтуруолга тутар кыах баарын Айсен Сергеевич эттэ. Бу күннэргэ федеральнай резервэттэн эбии 100 киһи баһаар умуоруоруутугар үлэлии кэлиэхтээх, ону Ньурбаҕа уонна биһиги улууска көмөҕө ыытыахтара.

Ойуур баһаардара сүрүннээн дьон дьалаҕай сыһыаныттан тахсаллара бэлиэтэнэр. Онон улуус баһылыктара дьоҥҥо-сэргэҕэ өйдөтүү үлэтин күүскэ ыытыахтаахтарын туһунан тоһоҕолоон эттэ. Маны сэргэ, Ил Дархан уоту кытта охсуһууга Федеральнай хааһына резервэтиттэн эбии үп көрүллэр буолбутун иһитиннэрдэ.

Улуус балаһыанньатын этэр буоллахха, билигин НСС 11-с баһаар Моҕотой Өтөҕө диэн Хоро сириттэн саҕаламмыта, итиэннэ Дүллүкү, Нам нэһилиэктэрин ойуурдарыгар тиийэ умайда. Күн бүгүн ойуур баһаарын умуруоруу үлэтэ күүскэ барар. Бэс ыйын 12 күнүгэр Хабаровскайтан кэлбит 53 киһини барыларын 11 НСС баһаарыгар ыыттылар. 11 НСС баһаар сирэ көрдүгэн сир, элбэх күөллээх, үрэхтээх уонна тиэхиньикэ кыайан киирбэт сирдэрэ буолан, уоту умулуннарыыга кэккэ ыарахаттары көрсөллөр.

Следите за самым важным и интересным в Telegram-канале и WhatsApp-группе ЯСИА