Бүгүн Үөһээ Бүлүү улууһугар тыа хаһаайыстыбатын исписэлиистэригэр үөрүүлээх күн буолла. Аҕа баһылык Владимир Поскачин 12 үлэһиккэ сабыс-саҥа матассыыкыллар күлүүстэрин туттартаата.


Үөһээ Бүлүү улууһугар саҕаламмыт хамсааһын сүрүн сыала-соруга — тыа хаһаайыстыбатын исписэлииһэ тимир көлөнөн оттуур сирдэргэ, бааһыналарга, сайылыктарга тус бэйэтинэн тиийэн көрөрүгэр-истэригэр, үлэтэ таһаарыылаах буоларыгар ананна.

Сергей Иванов, тыа хаһаайыстыбатын управлениетын начальнига:

— Тыа хаһаайыстыбатын исписэлииһэ аҥардас хонтуораҕа компьютер иннигэр олоруо суохтаах. Урукку кэмҥэ управляющайдар атынан сылдьан туох баар оттуур ходуһаны, сири-уоту ааҕа билэллэрэ. Билигин эмиэ ол курдук тимир көлөнөн сылдьан исписэлиистэр нэһилиэктэрин сирин-уотун тус бэйэлэринэн тиийэн көрүөхтээхтэр-истиэхтээхтэр, ханна туох баарын билиэхтээхтэр, оччоҕуна үлэлэрэ да таһаарыылаах буолуоҕа. Билигин «дорожнай картаны» оҥорооһунтан саҕалыахтара.

Онон улуус дьаһалтатын кытта сүбэлэһэн бу маннык үлэни ыыттыбыт. Билигин аны ГСМ боппуруоһун быһаарарга үлэлэһэбит. Иннэ гынан эдэр исписэлиистэргэ стимул биэрдибит, оччотугар үлэлэрэ үтүө түмүктээх, нэһилиэк сайдыытыгар туһалаах буолуо диэн эрэнэбит.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.