СӨ Тыатын хаһаайыстыбатын министиэристибэтэ 2020 сылтан Үөһээ Бүлүү уонна Хаҥалас улуустарын пилотнай бырайыакка киллэрдэ. «Ол эрэн министиэристибэ биэрэр пилотнай механизма биһиги оройуоммутугар сөп түбэспэт курдук диэн сыаналаатым», — диир улуустааҕы тыа хаһаайыстыбатын управлениетын салайааччыта Сергей Иванов. 


Үөһээ Бүлүү улууһун дьаһалтатын мунньахтыыр саалатыгар тыа хаһаайыстыбатын управлениетын уонна нэһилиэктэртэн киирбит исписэлиистэрин уопсай сүбэ-мунньаҕа ыытылынна. Манна СӨ Тыатын хаһаайыстыбатын министиэристибэтэ 2020 сылга Үөһээ Бүлүү уонна Хаҥалас улуустарын пилотнай бырайыакка киллэрбитин туһунан кэпсэттилэр.

Сергей Иванов, улуустааҕы тыа хаһаайыстыбатын управлениетын салайааччыта иһитиннэрбитинэн, алтынньы 1 күнүттэн департамент тыа хаһаайыстыбатын управлениета диэн ааттанна, устаап бу бэрээдэгинэн уларыйан биэрэр.

«Тыа хаһаайыстыбатын министиэристибэтэ билигин 2020 Үөһээ Бүлүү уонна Хаҥалас улуустарын пилотнай бырайыакка киллэрдэ. Ол эрэн министиэристибэ биэрэр пилотнай механизма хайдах эрэ биһиги улууска сөп түбэспэт курдук диэн сыаналаатым. Нэһилиэк үүт туттарааччылара, фермердара бары истэллэрин курдук үлэни ыытаргыт ирдэнэр», — диэн салайааччы бэлиэтээн эттэ.

Сергей Иванов саҥа механизмҥа сөбүлэспэт төрүөттэр баалларын эттэ.

— Ол иһин биһиги толкуйдаан баран биэс ынахтан үөһэ төбөлөөх ыалы КФХ оҥоруоҕуҥ диэн санааҕа кэллибит. Итиэннэ 5, 10, 20, 50 төбөттөн үөһэ, быһата, бииртэн уон сыыппараҕа диэри категория буолар. Ол аата мин биэс ынахтаах фермертан дуойка ирдээбэппин. Уонтан үөһэ төбө буоллаҕына, биһиги дуойка ирдэбилин киллэриэхпитин сөп. Эһиилги бюджекка 80 %-нын улуус уйунуохтаах, онтон 10 дуу, 20 дуу %-нын фермер бэйэтэ уйунуохтаах. Барыта босхо буолбат. Оччотугар бу киһи ааҕынар: тоҕо оннук гынныҥ диэн. Тоҕо диэтэр, мин үүтүн харчытын үрдэтэбин. Өскөтүн, эһиилги былааҥҥа өрөспүүбүлүкэ харчы көрбөт буоллаҕына, биһиги улууспут үүт харчытын фермердэргэ 60 солкуобайга диэри таһаарыаҕа. Ол эрэн, тута буолбатах. Категориянан быһаарыллыаҕа. Холобур, 5, 10, 20, 50, 100 төбөҕө хас эрэ диэн буолуоҕа. Хас биирдии категорияҕа тахсар буоллахтарына дьон ынаҕын уонна үүтүн элбэтэригэр 5 категорияҕа барар. Ол курдук, биир ынахтан 1000 киилэ үүтү, 10 төбөлөөх буоллаҕына 1100 курдук эбиллэн иһиэхтээх, ол аайы харчыта эбиллэн иһиэхтээх. Онтон ЛПХ 45 солкуобайы тутан хаалыаҕа, — диэн кини быһаарда.

Ааптар: Галина Семенова

1
0
comments powered by HyperComments