Быйыл Мииринэйдээҕи тэхиниичэскэй колледжка, Нерюнгритааҕы технологическай колледжка, Үөһээ Бүлүүтээҕи, Жатайдааҕы техникумнарга, Дьокуускайдааҕы мэдиссиинэ колледжыгар, ХИФУ инфраструктурнай технологияларын колледжтарыгар WorldSkills халыыбыгар сөп түбэһэр мастарыскыайдары оҥоруохтара.
Үөһээ Бүлүүтээҕи техникум 48 мөл 282 тыһ граны ылан, быйылгы дьылга аҕыс мастарыскыайы тэрийэр соруктаах. Массыына өрөмүөнүгэр түөрт мастарыскыай: «Массыына куорабын өрөмүөнэ», «Таһаҕаһы тиэйэр тиэхиньикэни көрүү-истии», «Массыына кырааската», «Легковой массыына өрөмүөнэ, көрүүтэ-истиитэ». Ону таһынан, «Баһаартан сэрэхтээх буолуу», «Полицейскай мастарыскыайа», «Быыһыыр үлэлэр», «Социальнай үлэһит» мастарыскыайдарын тэрийиэхтэрэ.
Билигин өрөмүөн үлэтэ саҕаламмыт. Сорох тэриллэр кэлбиттэр. Мастарыскыайдары балаҕан ыйыгар аһыахтара.
