Сыллата ыытыллар медицинскэй көрүүнү олох-дьаһах коммунальнай хаһаайыстабытын Үөһээ Бүлүүтээҕи филиалын үлэһиттэрэ урукку өттүгэр улуустааҕы поликликникаҕа ааһар эбит буоллахтарына, быйыл Дьокуускай куораттан «Аврора» медицинскэй клиникатын специалистара кэлэн бэрэбиэркэлээн эрэллэр. 354 үлэһит үс күн устата толору медицинскэй көрүүнү ааһыахтара.
«Өрөспүүбүлүкэтээҕи ОДьКХ ГУТ салалтата дуогабар түһэрсэн, доруобуйаҕа буортуну оҥорор техникаларга үлэлиир, киһи доруобуйатыгар кутталлаах эттиктэри кытары алтыһар үлэһиттэри медицинскэй көрүүнү аһардаллар. Таас чоҕунан оттуллар хочуолунайдар хачыгаардара, гаас хочуолунай оператордара, слесарь идэлээхтэр, водозабор икки специалиһа, суоппардар уонна трактористар бу көрдөрүүнү ааһыахтара«, — диэн дириэктэри производствоҕа солбуйааччыта Лена Смолина иһитиннэрдэ.
ОДьКХ тэрилтэтигэр үрдүттэн кабинеттарынан электрокардиограмма үлэлиир, утары иик уонна хаан анализтарын оҥороллор. Лор, терапевт-невролог, окулист, дерматолог уонна психиатр быраастар көрүөхтэрэ. Үлэһиттэр биир да солкуобайы төлөөбөттөр, барыта дуогабар бэрээдэгинэн булгуччулаах медицинскэй страховкалааһыҥҥа киирэр.
