Тыа хаһаайыстыбатын министиэристибэтэ эдэр табаһыттартан, дьиэ тутталларыгар эбэтэр атыылаһалларыгар туһуламмыт биир кэмнээх социальнай көмө харчыны тыырарга, сайаапкалары хомуйууну саҕалаата. Бу туһунан Арктика министиэристибэтэ иһитиннэрэр.
Санатабыт, Саха сирин эдэр табаһыттарын өйүүр уураах ыам ыйын 26 күнүгэр бырабыыталыстыба мунньаҕар ылыллыбыта.
Сайаапканы Арктика 13 улууһун 35-гэр диэри саастаах, түөрт сылтан итэҕэһэ суох табаһытынан үлэлээбит эдэр дьон биэриэхтэрин сөп.
Ирдэнэр докумуоннары тыа хаһаайыстыбатын министиэристибэтигэр балаҕан ыйын 4 күнүгэр диэри тутуохтара.
Социальнай көмө балаһыанньатын министиэристибэ саайтыгар https://minsel.sakha.gov.ru/npa/front/view/id/149 эбэтэр 8(4112)50-62-73, 50-66-40, 50-66-25 билсиэххэ сөп.
