29 Кулун тутар 29.03
  • -11°
  • $ 92,26
  • 99,71

Эдэр табаһыттар дьиэ туттуутугар көмө харчыны туттулар

11:01, 09 февраля 2021
Текст:
Читайте нас на
Яндекс Новости
ЯДВ

«Эдэр табаһыт» бырагырааманан биирдии мөлүйүөн көмө харчыны Анаабыр, Булуҥ, Үөһээ Халыма, Эдьигээн, Муома, Аллараа Халыма, Усуйаана, Эбээн-Бытантай улуустарыттан барыта 11 эдэр табаһыт ылла. Эдэр дьон дьиэ туттар баҕалаахтарын этэллэр.


Эдьигээн улууһун Кыстатыам нэһилиэгин олохтооҕо Николай Сергеев сайын дьиэ туттар былааннаах. «Кэргэмминээн Мариялыын Эдьигээнтэн төрүттээхпит. Оҕо эрдэхтэн ыстаадаҕа улааппыт буолан, оскуола кэнниттэн табаһыттыы барбыппыт. Иккис оҕобутун төрөөн баран, дьиэбитин кэҥэттэр санааттан, бырагыраамаҕа сайаапкабытын биэрбиппит. Быйыл матырыйаалбытын тутан, дьиэбитин туттан саҕалыахпыт», — диир Николай.

Санатар буоллахха, «Эдэр табаһыт» бырагыраама былырыыҥҥыттан, 2020 сылтан үлэлиир. Социальнай көмөнү табаҕа түөрт сыл үлэлээбит, 35 сааһын туола илик Арктика 13 улууһун олохтооҕо ылар кыахтаах. Көмөнү ылбыт табаһыт ити эйгэҕэ биэс сылтан итэҕэһэ суох үлэлиэхтээх. Көмө харчы эдэр дьону табаҕа сыстарга, үлэлииргэ, сайдарга көҕүлүүр соруктаах.

Следите за самым важным и интересным в Telegram-канале и WhatsApp-группе ЯСИА