РФ экэниэмикэ сайдыытын министиэристибэтэ 2017-2025 сылларга эдэр ийэлэри, биэнсийэлээхтэри уонна уопута суох ыччаты үлэ ырыынагар хайдах киллэрэр туһунан былаан оҥорон эрэр.
Миниистир Олег Фомичев этэринэн, билиҥҥи кэмҥэ үлэ ырыынагар киэҥник хабыллыбатах араҥаны саастарынан уонна хайысхаларынан арааран, тус-туспа бырагыраамалары, сокуон барылларын бэлэмнииллэр. Манна тус-туһунан кэккэ чэпчэтиилэр көрүллүөхтэрин сөп. Холобур, нолуокка чэпчэтиилэр, стажировкалар, эбии төлөбүрдэр, о.д.а.
Үлэ ырыынага экэниэмикэттэн туспа барар кыаҕа суох. Онон ылыллар уларыйыылар син биир экэниэмикэ салааларыттан тутулуктаахтар. Холобур, аҕа саастаах көлүөнэҕэ анаммыт уларыйыылар сотору кэминэн буолуохтаах биэнсийэ реформатыттан тутулуктанар кыахтаахтар.
Бу уларыйыылар олоххо киирдэхтэринэ, икки улахан кыһалҕаны тэҥинэн: үлэһит илии тиийбэтин уонна үлэтэ суох буолууну быһаарыахтарын сөп. Биллэн турар, барыта тута сатаныа суоҕа. Ол гынан баран, бу уларыйыылар социальнай хабааннаахтар: эдэр ийэлэри, үлэ үөрүйэҕэ суох ыччаты уонна биэнсийэлээхтэри хамнастаан, дьадайыыттан, үлэтэ суох буолууттан көмөлөһүөхтэрэ.
