Көҥүл тустууга Арассыыйа быйылгы чөмпүйүөннэрэ Егор Пономарев уонна Александр Богомоев аан дойду чөмпүйэнээтигэр кыттар хамаанда састаабыгар киириэхтэрин сөп. Ити туһунан дойду сүүмэрдэммит хамаандатын тренерэ Дзамболат Тедеев тустууктары уонна суруналыыстары кытта көрсүһүүгэ эттэ.
Егор Пономарев быйыл Арассыыйаҕа уонна Дмитрий Коркин кэриэһигэр анаммыт норуоттар икки ардыларынааҕы таһымнаах турнирга кыайыылаах буолбута. Оттон Польшаҕа ситиһиитэ суох кыттыбыта.
Дзамболат Тедеев саха тустууга аан дойду таһымнаах күрэхтэһиигэ кыттарга кыаҕы биэрдэ. Бу күрэхтэһии тохсунньу 7 күнүгэр Будапешт куоракка ыытыллар.
«Егор Польшаҕа судургу күрэхтэһиини кыайан ааспатаҕа. Ол эрээри, биһиги саха тустуутун өйүүр туһуттан кинини холбоһуктаах дьарыкка ыытар туһунан быһаардыбыт. Кини манна утарсааччытын Александр Богомоевы кыайдаҕына, аан дойду чөмпүйэнээтигэр барыаҕа», —диир Тедеев.
Дьарык сэтинньи 2 күнүттэн Сочига саҕаланар.
