Атырдьах ыйын 8 – 9 күннэригэр былааннаммыт «Дыгын оонньууларын» сэттэ төгүллээх чөмпүйүөнүн Иван Белолюбскай бирииһигэр национальнай многоборьеҕа «Чемпион Кубога» диэн өрөспүүбүлүкэтээҕи турнир көрөөччүтэ суох барар чинчилээх. Бу туһунан «Спорт Якутии» суруйар.
Турнир «Дыгын оонньууларыгар» бөҕөстөрү сүүмэрдиир түһүмэҕинэн буолар. Күрэхтэһии «Туймаада» стадионугар көрөөччүтэ суох барыа. Кыттааччылары таһынан тренердар, тэрийээччилэр уонна аҕыйах СМИ үлэһитэ сылдьыахтара. Маныаха бүтэһиктээх көҥүлү Роспотребнадзор биэриэ диэн, Дьокуускай куорат физкультураҕа уонна спортка управлениетын салайааччыта Константин Бурцев этэр.
Турнирга «Дыгын оонньууларыгар» тоҕус путевка оонньонуо. Күүтүүлээх күрэх, баҕар, күһүн балаҕан ыйыгар Дьокуускай куорат күнүн көрсө ыытыллыа. Оонньуулар бастакытын дьиэ иһигэр ыытыллаллара былааннанар.
Бүгүҥҥү күҥҥэ Хаҥалас бөҕөһө Егор Филиппов (былырыыҥҥы оонньуу кыайыылааҕа), Ньурбаттан Владимир Федоров, Кэбээйиттэн Алексей Уваровскай (быйыл өрөспүүбүлүкэ национальнай многоборьеҕа чөмпүйүөннэрэ) «Дыгын оонньууларыгар» путевкалаахтар.
