Сөмөлүөт түспүт сиригэр травматологтар биригээдэлэрэ Дьокуускайтан Тиксиигэ айанаата. Бөһүөлэк балыыһатыгар хаан, эмп саппааһа баар. Ити туһунан СИА-ҕа доруобуйа харыстабылын миниистирин солбуйааччы Людмила Вербицкая эттэ.
«Бүгүҥҥү ааҕыынан 34 байыаннайдары оройуоннааҕы киин балыыһаҕа аҕалбыттар. Эмсэҕэлээбит түөрт киһини эбии аҕалыахтара. Байыаннай сулууспалаахтар бары тыыннаахтар. Кинилэр бастарын уҥуоҕа, мэйиилэрэ эчэйбиттэр, уҥуох тостуута элбэх», — диэтэ Людмила Вербицкая.
