Москваҕа Хоту дойду, Сибиир уонна Уһук Илин аҕыйах ахсааннаах төрүт норуоттарын ырыаларыгар-үҥкүүлэригэр анаммыт Бүтүн Арассыыйатааҕы бэстибээл түмүктэннэ.
Бэстибээлгэ Саха сириттэн, Хабаровскай кыраайтан, Ямало-Ненецкэй автономнай уокуруктан уо.д.а. кытыннылар.
Быйыл бэстибээлгэ “Гиркилэн” эбэҥки фольклорнай кэлэктиибэ кыттан, “Оҕо айымньыта” номинацияҕа бастаата.
Москваҕа 7 оҕо салайааччылара Анастасия Куличкинаны уонна икки төрөппүтү кытта барбыта. Биһиги оҕолорбут “Игры ног” үҥкүүнү уонна эбэҥки төрүт үҥкүүтүн көрдөрдүлэр.
СИА.