29 Кулун тутар 29.03
  • -11°
  • $ 92,26
  • 99,71

Дьокуускайга Владимир Путин уопсастыбаннай приемнайа арылынна

10:53, 06 февраля 2018
Текст:
Читайте нас на
Яндекс Новости
ЯДВ

Россия президенин дуоһунаһыгар кандидат Владимир Путин уопсастыбаннай приемнайа Дьокуускайга олунньу 5 күнүгэр үлэтин саҕалаата. 


«Бүгүн уопсастыбаннай приемнай арылынна. Манна хас биирдии быыбардааччы бэйэтин этиитин, ыйытыытын хаалларар кыахтанна. Кандидат итэҕэллээх киһитэ буоларбынан, киирбит этиилэр Владимир Путин быыбар иннинээҕи бырагырааматыгар болҕомтоҕо ылыллыахтара дии саныыбын«, — диэн эттэ республика ветераннарын сэбиэтин бочуоттаах бэрэссэдээтэлэ Будимир Слепцов.

Паралимпийскай оонньуулар — 2012 сыллааҕы үрүҥ көмүс призера, Россия спордун үтүөлээх маастара Владимир Балынец этэринэн, быыбар иннигэр социальнай ситимнэргэ олус элбэх иһитиннэрии тахсар. Ол иһин ыйытыылаах, этиилээх буоллахха, тута кырдьыктаах информацияны бу уопсастыбаннай приемнайтан ылар ордук.

«Приемнай былаас үлэтин тупсарыыга дьон санаатын хомуйар. Бэлиэтээн эттэххэ, манна юридическай консультация оҥоһуллубат«, — диэн региоҥҥа Владимир Путин штабын хос бэрэссэдээтэлэ, Дьокуускайга приемнай салайааччыта Валерий Лютый.

Путин штабын хос бэрэссэдээтэллэринэн «Анаабыр Алмаастара» хампаанньа салайааччыта Павел Маринычев, эстрада Театрын директора Алексей Егоров уонна Россия Үлэтин Геройа Варвара Устинова буолаллар.

Дьону приемнааһын оптуорунньуктан субуотаҕа диэри сарсыарда 10:00 чаастан 17:00 чааска диэри буолар, эбиэт бириэмэтэ 13:00 — 13:45 чаас. Өрөбүл уонна бэнидиэнньик — сынньалаҥ.

Маны сэргэ штаб быһа сибээстээх. Онон Саха сирин олохтоохторо 8-800-301-21-85 нүөмэринэн Москва бириэмэтинэн сарсыарда 6 чаастан түүн  12 чааска диэри төлөбүрэ суох эрийэххитин сөп.

Следите за самым важным и интересным в Telegram-канале и WhatsApp-группе ЯСИА