29 Кулун тутар 29.03
  • -11°
  • $ 92,26
  • 99,71

Дьокуускайга тыа хаһаайыстыбатын дьаарбаҥкатыгар 22 улуус кытынна (ВИДЕО)

Читайте нас на
Яндекс Новости
ЯДВ

Өрөбүл күннэргэ киин куорат Комсомольскай болуоссатыгар үгэскэ кубулуйбут тыа хаһаайыстыбатын атыы-эргиэн дьаарбаҥката буолан ааста. Манна барыта 22 улуустан 150-ча хаһаайыстыба кэлэн кытынна.


Оҕуруот аһа, үрүҥ ас, тоҥ балык, ону таһынан сыырга, барыанньаҕа, дьабарааскы этигэр тиийэ араас бородууксуйа атыыга турда. Бастакы күн Дьокуускайга төһө да инчэҕэй хаардаах, тымныы күн турдар, олохтоох бородууксуйаны атыылаһааччы, быыстапканы сэргээччи элбэх буолан биэрдэ.

Дьаарбаҥкаҕа «Сыа Бүлүүлэр» 11 араас бородууксуйаны аҕалбыттар. Икки ыйга тиийэ хараллыан сөптөөх стерилизованнай үүттэрин дьон ордук сэҥээрдэ.

Тэрээһин чэрчитинэн өрөспүүбүлүкэ агро хайысхалаах оскуолаларын икки ардыларыгар быыстапка-дьаарбаҥка күрэҕэ ыытылынна. Манна үөрэх кыһаларын бородууксуйалара хайдах суулана сылдьалларыттан саҕалаан, амтаныгар тиийэ 11 араас көрүҥүнэн сыаналаатылар.

Дьаарбаҥка түмүгүнэн саамай көхтөөх уонна элбэх бордууксуйаны аҕалбыт Сунтаар улууһа кыайыылааҕынан ааттанна, үүнэйини олордууга аммалар бастаатылар уонна промышленнай таһымҥа астыырга Дьокуускайдааҕы көтөрү иитэр фабрика кэлэктиибэ бэлиэтэннэ.

Источник: НВК САХА

Следите за самым важным и интересным в Telegram-канале и WhatsApp-группе ЯСИА