29 Кулун тутар 29.03
  • -12°
  • $ 92,26
  • 99,71

Дьокуускайга саха снайперын уобараһыгар пааматынньык турда

15:01, 24 июня 2020
Текст:
Читайте нас на
Яндекс Новости
ЯДВ

Дьокуускайга «Туймаада саллаата» мемориальнай комплекска Аҕа дойду улуу сэриитин кэмигэр саха снайперын уобараһыгар анаммыт пааматынньык арылынна. СИА суруйар.


75 сыл анараа өттүгэр, бэс ыйын 24 күнүгэр, Россия киин куоратыгар Кыайыы параада буолбут күнүгэр анаан, Дьокуускайга саха снайперын уобараһыгар аналлаах пааматынньык турда.

Сэрии хара ааныттан саха буойуттара кыраҕы харахтаах бэргэн ытааччы быһыытынан биллибиттэрэ, өстөөҕү биир буулдьанан суулларар кыахтаахтара. Саха сирин улуу снайпердара: Федор Охлопков, Михаил Стрекаловскай, Иван Кульбертинов, Алексей Миронов, Дмитрий Гуляев, Егор Петров уонна да атыттар ааттара историяҕа хаалла.

Саҥа пааматынньык саха снайпердарыгар барыларыгар ананар.

«Саха бэргэн ытааччылара хорсуннарынан, тулуурдарынан уратылаахтара. Кинилэр сэбиэскэй снайпердар кэккэлэрин туталлара, өстөөхтөргө кутталы үөскэтэллэрэ. Пааматынньык — саха снайпердарыгар өйдөбүнньүк бэлиэтэ — дойдуларын таптыыр, эйэлээх олоҕу турууласпыт Кыайыыны уһансыбыттарга ананар«, — диэтэ Ил Дархан Айсен Николаев.

Следите за самым важным и интересным в Telegram-канале и WhatsApp-группе ЯСИА