29 Кулун тутар 29.03
  • -13°
  • $ 92,26
  • 99,71

Дьокуускайга үс үөрэх көрүҥэ туттуллуо

10:01, 18 августа 2020
Текст:
Читайте нас на
Яндекс Новости
ЯДВ

Дьокуускай куорат үөрэххэ управлениетын салайааччы Алексей Семенов бирикээһинэн, коронавирус инфекцията тарҕанар кэмигэр, куорат оскуолаларыгар режимнэй ирдэбиллэр уонна үөрэҕи тэрийиигэ сүбэлэр бигэргэммиттэр. Куорат хас биирдии оскуолата ити ирдэбиллэргэ уонна сүбэлэргэ тирэҕирэн, бэйэтигэр сөптөөх көрүҥү тэриниэ.  


Дьокуускайга үс үөрэх формата туттуллуо:

– үгэс буолбут очнай үөрэхтээһин, оҕолор нэдиэлэҕэ 5-6 күн оскуолаҕа баран үөрэниэхтэрэ;

– буккаас үөрэх, кылааска үөрэх дистанционнай үөрэҕи кытары дьүөрэлэһиэ;

– дистанционнай үөрэх – дьиэттэн интернет көмөтүнэн үөрэнии.

Оскуола салайааччыларыгар атырдьах ыйын 22 күнүгэр диэри төрөппүттэри кытары иһитиннэрэр үлэни ыытары, төрөппүттэртэн балаҕан ыйын 1 күнүттэн атырдьах ыйын 31 күнүгэр диэри дистанционно үөрэнэргэ сайаапкалары хомуйууну саҕалыыры сорудахтаатылар.

Дистанционнай үөрэхтээһини хайа баҕар төрөппүт талыан сөп. Хроническай, сотору-сотору ыалдьар оҕолоох эбэтэр кириип быһыытыттан бобуулаах оҕолорго бастакы уочарат көҥүллэниэ.

Маны таһынан сокуон оҕону дьиэҕэ үөрэхтээһиҥҥэ көһөрөрү мэктиэлиир (семейное образование). 10-11-с кылаас үөрэнээччилэрэ бэйэлэрэ үөрэнэри талыахтарын сөп.

Очно, буккаас үөрэнэргэ сайабылыанньа суруйар наадата суох. Оскуола иэниттэн, оҕотун ахсааныттан, учууталлар ноҕоруускаларыттан көрөн үөрэх кыраапыгын оҥоруо. Маҥнайгы кылаас үөрэнээччилэрин хайдах үөрэтэри оскуола төрөппүттэри кытары быһаарыа.

Атырдьах ыйын 20 күнүттэн үөрэх Управлениета уонна оскуолалар төлөпүөнүнэн боппуруостарга эппиэттиэхтэрэ. Иһитиннэрии саайтарга тахсыаҕа.

Следите за самым важным и интересным в Telegram-канале и WhatsApp-группе ЯСИА