29 Кулун тутар 29.03
  • -14°
  • $ 92,26
  • 99,71

Дьокуускайга куорат оптуобуһугар айан төлөбүрэ “Спутник” каартанан 23 солкуобай буолуоҕа

18:04, 05 декабря 2018
Текст:
Читайте нас на
Яндекс Новости
ЯДВ

Куорат олохтоохторо уонна ыалдьыттара куорат оптуобустарыгар “Спутник” каартанан төлөөтөхтөрүнэ, биир айан сыаната 23 солкуобайга тэҥнэһэр.

“Саҥа бородууктаны таһаарыыга айаны уу харчыта суох төлөөһүҥҥэ “Спутник” каартаны толорон биэрии табыгастааҕа көстүбүтэ. Маны ханнык баҕарар кэмҥэ “АСОП” эбэтэр “АЭБ-Онлайн” мобильнай сыһыарыы нөҥүө оҥоруохха сөп”, — диэн Уокуруктааҕы дьаһалта тырааныспар үлэтин тэрийиигэ уонна хонтуруоллааһыҥҥа отделыгар бэлиэтээтилэр.

“Спутник” каарта көннөрү пластиковай каарта уонна брелок курдук быһыылаах. Бу каартаны Алмазэргиэнбаан каассаларыттан уонна төлүүр терминалларыттан ылыахха сөп.

Каарта сыаната 100 солкуобай, брелога – 200. “Спутник” көмөтүнэн төлөөһүн “Тырааныспар каартата” тарыыбынан оҥоһуллар, ол эбэтэр куорат оптуобустарыгар 23 солкуобайынан айанныыгын.

“Спутник” каартаны туһаныы быраабылатын www.albank.ru уонна www.edsbus.ru саайтарга билсиҥ.

Следите за самым важным и интересным в Telegram-канале и WhatsApp-группе ЯСИА