29 Кулун тутар 29.03
  • -14°
  • $ 92,26
  • 99,71

Дьокуускайга күүстээх буурҕа ытыллан ааста

21:18, 28 мая 2018
Текст:
Читайте нас на
Яндекс Новости
ЯДВ

Бүгүн киэһэ алта чаас саҕана Дьокуускай куоракка күүстээх тыал түһэн ааста.

edersaas.ru

Ол кэнниттэн биэс-алта мүнүүтэ буолаат, батсаап иһэ араас хаартысканан, видеонан туола түстэ.

Массыыналар үрдүлэригэр тимир диэн, лиис диэн — бары барыта кэлэн түстэ.

Бу хаартыскаттан көрдөххө, Кыайыы болуоссатыгар оптуобус тохтуур сирэ сууллубут.

 

Тутуу аттыгар турар массыыналарга күүстээх тыал тамнаабыт тимир лиистэрэ эмиэ кэлэн түспүттэр.

Бу массыына светофор күөх уотугар тохтоору «былдьаммыт».

Светофор остуолбата биир дьахтар үрдүгэр сууллубутун араас дьон түһэрбиттэрэ батсаабынан тарҕанна.

Дьолго, чугас эдэр дьон баар буолан, тута «скорайга» биллэрбиттэр. Арааһа, ыраахтан көрөн сүүрэн кэлбиттэр быһыылаах.

Бу маннык түбэлтэлэр куорат араас оройуоннарыгар бэлиэтэнэн, буурҕа кэмигэр киин уулуссаларынан «Суһал көмө» массыыналара ыһыы-хаһыы бөҕөтүн түһэрэн, субустулар аҕай.

Бу тэрилтэ тимир кырыыһата кумааҕы курдук кумаламмыт…

Хата, чугаһынан дьон суохтарыгар баһыыба.

Дьэ, ити курдук, киин куораппытыгар сыччах балтараа чаас курдук күүстээх тыал түһэн, тугу барытын үнтү кумалаан, өрө ытыйан ааста. Онтон кыратык дохсуннук ардыы түһэн баран,  туох да буолбатаҕын курдук, мэлдьэспиттии, күн чаҕылыйа тыкта…

Елена ПОТОЦКАЯ, «Саха сирэ» хаһыат, edersaas.ru

Хаартыска уонна видео — батсааптан.

 

0

0
Следите за самым важным и интересным в Telegram-канале и WhatsApp-группе ЯСИА