Дьокуускайга идэҕэ урутаан үөрэтии киинэ аһылынна. Саҥа үөрэх тэрилтэтигэр программированиеҕа, BIM-технологияҕа, мобильнай сыһыарыылары айыыга, видеоҕа, хаартыскаҕа түһэрэргэ үөрэтиэхтэрэ. Үөрэх киинигэр устудьуоннар, оскуола оҕолоро үөрэниэхтэрэ.


Киин «Үөрэхтээһин» национальнай бырайыак нөҥүө олоххо киирбит. Саҥа тэрилтэ үс хайысханан: үлэ ырыынагын үөрэтиинэн, олохтоох дьону сааһыттан тутулуга суох араас идэҕэ сирдээһининэн итиэннэ кылгас кэмнээх куурустары ыытынан үлэлиэ.

РФ үөрэххэ миниистирин солбуйааччы Дмитрий Глушко видео нөҥүө эҕэрдэтигэр 2024 сылга диэри дойду үрдүнэн маннык 5 тыһ. мастарыскыай аһыллыан эттэ.

Бырабыыталыстыба бэрэссэдээтэлин солбуйааччыын э.т. Сергей Местников сыллата орто анал үөрэххэ киириэн баҕалаах оҕо ахсаана элбээн иһэрин, онуоха нацпроект ыччакка кыах биэрэрин, үөрэх тэрилтэлэрин материальнай-техническэй базалара тупсарын, педагогтар квалификациялара үрдүүрүн эттэ.

Икки этээһинэн үлэлиир кииҥҥэ аныгы ирдэбилгэ эппиэттиир бары усулуобуйа тэриллибит.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.