29 Кулун тутар 29.03
  • -11°
  • $ 92,26
  • 99,71

Дьокуускайга дьиэ таһыттан кыһыл оҕо өлүгүн буллулар

13:48, 25 мая 2016
Читайте нас на
Яндекс Новости
ЯДВ

Бэҕэһээ, ыам ыйын 24 күнүгэр, Дьокуускай куорат полициятын дьуһуурунай чааһыгар иһитиннэрии киирбит. 17-с кыбартаалга, С.Данилов аатынан уулуссаҕа турар дьиэлэртэн биирдэстэрин таһыгар түннүк сабыытыгар сууламмыт саҥа төрөөбүт оҕо өлүгэ көстүбүтүн туһунан.

Быһылаан буолбут сиригэр тутатына суһал-силиэстийэлиир бөлөх тиийэн, европеоиднай көрүҥнээх уол оҕо өлүгүн булбут. Билигин силиэстийэ иннинээҕи бэрэбиэркэ бара турар, оҕо туохтан өлбүтүн быһаарар туһуттан судмедэскпертиза ананна.

Быраабы араҥаччылыыр уорганнар дьонтон көмө көрдүүллэр — буруйу оҥоруу туоһуларын уонна оҕо ийэтин булууга. Бу чахчыга сыһыаннааҕы билэр дьон, бука диэн, 89659974565, 02 нүөмэрдэргэ эрийэн биллэрэргитигэр.

Следите за самым важным и интересным в Telegram-канале и WhatsApp-группе ЯСИА