29 Кулун тутар 29.03
  • -13°
  • $ 92,26
  • 99,71

Дьокуускайга буолаары турар быыбардар тустарынан волонтердар билиилэрин бэрэбиэркэлээтилэр

12:00, 16 марта 2018
Текст:
Читайте нас на
Яндекс Новости
ЯДВ

Биэнсийэлээхтэргэ уонна инбэлииттэргэ аналлаах “Кинигэ-03” идэтийбит библиотека үлэһиттэрэ өрөспүүбүлүкэтээҕи устудьуоннар этэрээттэрин байыастарын ортолоругар “Волонтер куолаһа” диэн быраабы билиигэ анаммыт оонньууну ыыттылар.


Оонньуу тиэмэтэ бэрэсидьиэн быыбарыгар ананна.

Библиотекарь Александра Потапова этэринэн, маннык оонньуулары тиһигин быспакка ыыталлар.

Территориятааҕы быыбардыыр хамыыһыйа Быраап туһунан иһитиннэрэр киини кытта “Правовой десант” диэн бырайыак чэрчитинэн маннык куонкурустары ыытар”, — диэн бэлиэтээтэ библиотека сэбиэдиссэйэ Ольга Козина.

Оонньуу “100 к 1 “ телебиэрии форматынан барда. Устудьуоннар РФ Конституциятын, хандьыдааттар уонна быыбардааччылар бырааптарын туһунан боппуруостарга сөптөөх эппиэттэри таайдылар.

Кыайыылаахтарга кинигэлэри уонна киинэҕэ билиэттэри туттардылар.

Следите за самым важным и интересным в Telegram-канале и WhatsApp-группе ЯСИА