Балаҕан ыйын 22-25 күннэригэр «Ас-үөл — 2016» өрөспүүбүлүкэтээҕи быыстапка-дьаарбаҥка Дьокуускайга ыытыллар.
Быйылгы тэрээһин тыа хаһаайыстыбатын уонна ас промышленноһын бэлиэ күнүн 50 сылыгар ананна. Ону таһынан Саха сиригэр тупсарыныы сылыгар сыһыары тутулунна.
Быыстапка Хомсомуол буолуоссатыгар буола турар. 12.00 чааска быыстапканы үөрүүлээхтик астылар. Туруу үлэһит дьоҥҥо сударыстыба уонна биэдэмистибэ наҕараадаларын туттардылар. Ону таһынан быйылгы оттооһун түмүгүн таһаардылар.
