29 Кулун тутар 29.03
  • -15°
  • $ 92,26
  • 99,71

Дьокуускай Уһук Илиҥҥи сайдыыга министиэристибэтин өйөбүлүнэн оптуобус пааркатын толору саҥардыаҕа

13:50, 10 апреля 2018
Текст:
Читайте нас на
Яндекс Новости
ЯДВ

Дьокуускайга чугастааҕы кэмҥэ оптуобус паарката толору саҥардыллыаҕа. Быйыл 60 оптуобуһу биэриэхтэрэ, эһиил өссө элбэх кэлиэҕэ. Бу бырайыак олоххо киириитигэр “ГАЗ”, “Союз-Авто” хампаанньалар уонна куорат дьаһалтатын илии баттаспыт сөбүлэһиилэригэр олоҕуран уонна Уһук Илини сайыннарыыга федеральнай министиэристибэ өйөбүлүнэн олоххо киириэҕэ.


“Чугастааҕы сылларга Дьокуускай оптуобустарын пааркатын саҥардыахпыт. Россияҕа оҥоһуллубут 400 аныгы оптуобуһу биэрэллэрэ сабаҕаланар”, — диэтэ Дьокуускай баһылыга Айсен Николаев.

Уһук Илини сайыннарыыга министиэристибэтин департаменын дириэктэрин солбуйааччы Александр Власов маннык пилотнай бырайыак билиҥҥитэ Россияҕа суоҕун туһунан тоһоҕолоон бэлиэтээтэ. “Биһиги министиэристибэбит Дьокуускай дьаһалтатыгар оптуобустарын пааркатын саҥардыыга көмөлөһүөҕэ. Билиҥҥи туругунан атыылаһыыны үбүлээһин туһунан боппуруос быһаарыллар”, — диэтэ Александр Власов.

”ПАЗ”, “КАВЗ” мааркалаах саҥа оптуобустарга бары ирдэбиллэри учуоттуохтара. Бастакы оптуобустар бу сыл от ыйын 1 күнүгэр диэри кэлэллэрэ күүтүллэр.

Артемий Грошев,

Ааптар хаартыската

Следите за самым важным и интересным в Telegram-канале и WhatsApp-группе ЯСИА