Быйыл саас Өлүөнэ эбэҕэ муус ыам ыйын 15 күнүгэр барара күүтүллэр. Урукку сыллардааҕар быйыл халаан уута күүстээх буолуо диэн сылыктыыллар.
«Куорат ханнык оройуона уонна куорат таһынааҕы ханнык нэһилиэктэр ууга барыахтарын сөбүн туһунан куорат дьаһалтатыгар дьүүллэстилэр. Куорат оройуонугар муус халыҥа 30 сантиметрынан нуорманы аһарар», — диэн иһитиннэрдэ Айсен Николаев.
Киин куоракка дьону быстах кэмҥэ олордор пууннары уонна сүөһүнү үүрэн таһаарар сирдэри бэлэмнии сылдьаллар, ону тэҥэ бөҕөргөтүүгэ анаан кумаҕы тиэйэллэр.
Хатаска уонна куорат таһынааҕы нэһилиэктэргэ кэккэ дьиэлэри уу ылыан сөп. Дьаһалта уонна Промышленнай уокурук управлениетын күүстэринэн ыаллары кэрийэн, төһө киһи уу ылар сиригэр олорорун чуолкайдыы сылдьабыт”, — диэн мээр бэлиэтээтэ.
Артемий Грошев, СИА.
