НВК САХА — Дьокуускай куорат олохтооҕо, үс оҕо ийэтэ Вера Лиханова сир аһын, фруктаны хатаран кэмпиэт оҥорор. Минньигэс аһы дьон номнуо биһирээбит.
Дьокуускай куорат олохтооҕо Вера Лиханова тоҥ клубниканы ириэрэн баран, блендеринэн биир тэҥ буолуор диэри илдьи ныһыйтарар. Ол кэннэ анал дуоскаҕа эбэтэр оһох илииһин арыынан чап-чараастык умньуу охсоот, үрдүгэр кутан кэбиһэр. Ити кэннэ хатара-куурда уурар.
Вера Петровна бородууксуйатын «саамай минньигэс бэйэ кэмпиэтэ» диэн ааттыыр. Ол оруннаах, ханнык да эбилиги, туманы булкуйбат, оннооҕор саахарынан минньиппэт. Харааччы буспут моонньоҕон, кытарчы сиппит хаптаҕас эбэтэр дьаабылака, дыня, арбуз хайата да барсар. Арай хатар болдьоҕо ханыыласпат. Сир аһын 12 чаас куурдар, дыня, арбуз кэмпиэтэ биир суукканан бэлэм буолар.
Үс оҕо күн күбэй ийэтэ ханнык да эргинэр санааттан буолбакка, дьиэлээхтэрин иҥэмтиэлээх аһынан күндүлээри холоммут. Ютуб ханаалынан сирдэппит, эбии аахпыт, өссө технолог идэлээҕэ туһалаабыт.
Источник: http://nvk-online.ru
