НВК САХА — Дьокуускай куорат эбийиэктэрин 70 %-гар ититиини холбоотулар. Бу туһунан куорат дьаһалтатын пресс-сулууспата иһитиннэрэр.
Куорат олорор дьиэлэригэр балаҕан ыйын 15 күнүн иннинэ ититии толору бэриллиэҕэ. Билиҥҥи туругунан Кангаласс уонна Пригороднай бөһүөлэктэрин олорор дьиэлэрэ ититиинэн бары хааччылыннылар.
«Үөрэх кыһаларыгар, уһуйааннарга, балыыһаларга уонна атын социальнай эбийиэктэргэ барыларыгар ититии бэриллэн турар. 35 №-дээх оскуола боппуруоһа бу нэдиэлэ бүтүөр диэри быһаарыллыаҕа», — диэн Дьокуускай баһылыгын олорор дьиэ уонна коммунальнай хаһаайыстыба боппуруостарыгар солбуйааччы Роман Сорокин эттэ.
Источник: http://nvk-online.ru
