Ленскэй аннынан Өлүөнэ мууһа бытааннык да буоллар, уста турар. Батамай таһынан муус харыыта үөскээтэ. Бу туһунан Уу ресурсаларын федеральнай агентствотын Өлүөнэ сүнньүнээҕи ууга управлениетын пресс-сулууспата иһитиннэрдэ.
Ыам ыйын 15 күнүн сарсыарда 8 чаастааҕы бэлиэтээһининэн, Дьокуускай аннынан муус хамсаата. Суукка иһигэр уу таһыма 50 см үрдээн, билигин 105 см тэҥнэһэр. Өлүөхүмэнэн, Мачанан, Солянканан көмүөл бытааннык барар. Бүгүҥҥү туругунан Алдан, Өлүөхүмэ, Учур, Бүлүү өрүстэр муустара уста турар.
