“Дьокуускай” аэропордугар балаһаны саҥардан оҥоруу кэмигэр көтүүлэри толоруу бэйэтин режиминэн ыытыллыаҕа.

Бүгүн, ыам ыйын 14 күнүттэн, “Дьокуускай” аэропордугар киэҥ хабааннаах өрөмүөннүүр үлэлэр саҕаланнылар. Балаһаны өрөмүөннээһин үс сыл устата үс түһүмэҕинэн 2020 сылга диэри ыытыллыаҕа.

“Үлэ салгын суудуналара көтөллөрүгэр харгыһа суох ыытыллыаҕа. Быйыл пассажирдар өрөмүөн үлэтин хаамыытын көрбөккө да хаалыахтара, — диэн бэлиэтээтэ “Дьокуускай аэропорда” АУо генеральнай дириэктэрэ Николай Местников. – Быйыл балаһа сорҕото сабыллыаҕа, ол эрээри салгын суудуналара уруккутун курдук көтүөхтэрэ”.

ИВПП-2 уопсай уһуна 33398,53 м. Пассажирдары, таһаҕаһы, почтаны таһыыга 2248,53 м уһуннаах учаастак хаалыаҕа. Бу сөмөлүөттэр хаарчаҕа суох уонна расписаниеларынан көтөллөрүн хааччыйыаҕа.

Маны сэргэ тэҥҥэ балаһаны Дьокуускай диэки 200 миэтэрэ уһатыы ыытыллыаҕа. Тутуу сезона түмүктэниитигэр, ол эбэтэр 2018 сыл алтынньы ыйыгар өрөмүөн үлэтин тымныылар түһэллэринэн тохтотуохтара. Бу үлэ 2019 сыл ыам ыйыттан салҕаныаҕа.

“Үгүс үлэ күүтэр, ол эрээри “Дьокуускай аэропордун” бары сулууспалара бу саҥардан тутууга бэлэмнэр”, — диэн тоһоҕолоон бэлиэтээтэ Николай Местников.

СИА.

0
0
comments powered by HyperComments