Дойду тыа хаһаайыстыбатын быыстапкатыгар Саха сириттэн 8 тонна аһы-үөлү илдьиэхтэрэ

Москваҕа алтынньы 10 күнүттэн 13 күнүгэр диэри НХСБ “Көмүс күһүн” 20-с агропромышленнай быыстапка ыытыллыаҕа.

Саха сирэ быыстапкаҕа сыллата кыттар. Былырыын агропромышленнай комплекс 14 мэтээлгэ тиксибитэ, итинтэн 10 кыһыл көмүс, 2 үрүҥ көмүс уонна 2 боруонса.

Быйыл өрөспүүбүлүкэ 15 тэрилтэтэ 8 тонна кэриҥэ бороддууксуйаны илдьиэҕэ. “Дьокуускайдааҕы килиэп кэмбинээтэ” ААУо, “Дьокуускайдааҕы балык хампаанньата” ХЭТ, “Туймаада-Агроснаб” ААУо, “Скиф” МПК, “Саха сирин отонноро” ХЭТ, “Хаҥалас Ас” ТХПК, “Амма” ТХПК, “Өлүөхүмэ кыладабыайа” ХЭТ уо.д.а кытталлар.

This post was published on 04.10.2018 17:18 17:18